Joan den ekainaren 20an, Bazkidearen Astean, ADSJ-DKEko frontoi berdean, 57. Gomazko Paleta Txapelketa Sozialaren finalak ospatu ziren, banakako modalitatean, frontoi osoan.

Hirugarren Mailan, aurreko faseetan pilotari beteranoagoak gainditu ondoren, Alain Yoldik eta Egoi Perezek – San Juaneko Eskolatik etorritako bi pilotari oso gaztek – ikuskizun ederra eskaini zuten, ikusleen txaloak piztuz. Azkenean bakarra irabaz dezake eta Alan Yoldi nagusitu zen 25-24 estu batean.

Bigarren Mailan, beroa nagusi izan zen partida batean, Imanol Berruetak txapel preziatua lortu zuen Xabier Sanduari 25-15 irabazita.

Hurrengo partidan, Lehen Mailakoa, Javi Urtasunek bere maisutasuna erakutsi zuen aurreko koadroetan dejada politekin eta bi pareta oso neurtuekin, Alvaro Labiano 25-9 gainditzeko.

Azkenik, Ohorezko Mailan, Elkarteko bi pilotari handi izan ziren aurrez aurre, baina Javier Goñik defentsan aritzea besterik ezin izan zuen egin, Xabier Legarrak erakutsi zuen joko egoera bikainaren aurrean. Azkenean pilotari honek irabazi zuen txapela 25-9 emaitzarekin.

Zorionak pilotari guztiei.