San Juango Areto Futboleko Sekzioko kadete mailako taldeak Redin A taldea zuen aurkari Nafarroako Kopako finalerdietan, finalean postu bat lortu nahian. Berdeek etxeko postuan ekin zioten kanporaketari liga erregularrean txapeldunorde geratu zirelako.
Partida bi taldeen nagusitasunik gabe hasi zen. Hala ere, talde bisitariak, kontraerasoko bi jokaldi onetan, aukerarik onenak izan zituen, eta etxekoen atezainari esker konpondu zituen. Minutuak aurrera zihoazen eta berdeek baloiaren jabe egitea lortu zuten. Horri esker, taldeko jokaldi on batean, Iñigo Urdanozek 1-0ekoa jarri zuen markagailuan. Aurrerago, banakako jokaldi batean, Haritzek aldea handitu zuen, eta, ondorioz, lehen denbora 2-0eko emaitzarekin amaitu zen.
Bigarren zatian kanpoko taldeak aurrerapausoa eman zuen. Berdeek ez zuten amore ematen eta, ondorioz, partida oso zirraragarria izan zen bi taldeen joan-etorriekin. Partida amaitzeko 10 minutu falta zirenean, Redinek, banakako jokaldi on bati esker, aldeak murriztu zituen, 2-1ekoa sartuz. Gol horrek zaildu egin zuen partida San Juanentzat, bost falta egin baitzituzten, eta seigarrena iritsiz gero, penalti bikoitza izango zuen kanpoko taldeak.
Amaierarako hiru minutu falta zirenean Redinek kanporaketa berdindu zuen. 2-2koarekin eta partida ia amaituta, bi taldeak finalerako sailkatuko zituen tantoa sartzen saiatzen ziren. Kanpokoek faltaz geldiarazi zuten Joan protagonista zuen kontraeraso batean, epaileak txartel gorriarekin zigortu zuen, eta azken 30 segundoak 3 jokalarirekin defendatu behar izan zituen. Berdeek zenbakien nagusitasuna aprobetxatzen jakin zuten eta Haritzek 3-2koa saskiratu zuen, pabiloia pozez leherraraziz.
Kadete mailako talde osoak, entrenatzaileak zein jokalariak, animatzera eta areto futbolaz gozatzera hurbildu ziren ikusleen bertaratzea eskertzen dute. A kadeteak CD Xotaren aurka jokatu beharko du, finalean Ibararteri 5-3 irabazi ondoren. Kadete taldeko bi entrenatzaileek, Davidek eta Arkaitzek, oso partida zirraragarria izango dela uste dute, eta areto-futbolaz gozatu nahi duen oro animatzera eta taldea animatzera gonbidatu dute.