Uztailaren 12an eta 13an Espainiako Junior eta Senior mailako Igeriketa Txapelketa ospatu da Gijónen (Asurias), Santa Olaya Kirol Zentroan.

San Juan – Donibane Kirol Elkarteak taldeko 17 igerilarirekin bidaiatu zuen, entrenatzaileekin eta ordezkari batekin. Junior mailan 8 neska eta 3 mutil aritu dira, eta Senior kategorian, berriz, neska 1 eta 6 mutil. Guztiek gutxieneko markak egin behar izan dituzte parte hartu ahal izateko. Marka horiek kategoriaren, generoaren eta igeri egiteko probaren arabera zehaztuta daude Espainiako Urpeko Jardueren Federazioaren (FEDAS) webgunean.

Txapelketan 280 parte-hartzaile izan dira (143 emakume eta 137 gizon), 22 klubetakoak, eta ADSJ-DKEk 8 domina lortu ditu. Banakako mailan 6 domina izan dira (urrezko 1, zilarrezko 2 eta brontzezko 3) eta erreleboetan brontzezko 2 domina lortu dira. Dominez gain, 14 finalista izan ditugu, 4. eta 8. postuen artean geratu direnak.

Klub gisa, 7. posizio orokorra lortu da, eta honako hauek izan dira jarduera aipagarrienak:

Banaka:

– Emma Navarro Molina (Junior): urrea 400 Im-etan, zilarra 400 SFtan, zilarra 200 Im-etan eta brontzea 100 Im-etan.
– Jon Hernández Jiménez (Senior): brontzea 200 Im-etan eta brontzea 400 Im-etan.

Txandaka:

– Emakumezko Juniorren Txanda 4×200 (Anne Huarte González, María Sandúa Aizpún, Amaiur Osinaga Flamarique eta Emma Navarro Molina): BRONTZEA
– Emakumezko Juniorren Erreleboa 4×100 (Izadi Villalobos Compains, María Sandúa Aizpún, Anne Huarte González eta Emma Navarro Molina): BRONTZEA

Elkarteko neska-mutil guztiak animatzen ditugu hainbeste poz ematen duen kirol hau proba dezaten.