Pasa den igandean Donibane Burlatara jaitsi zen, Elizgibela kiroldegian Malkaitzen aurka jokatzeko. Lehen lerroan hiru baja garrantzitsu zituztela joan ziren berdeak eta horrek, teorian, berez oso zaila zen topaketa baldintzatuko zuen. Baina urdinak harrituta geratu ziren, partidaren une askotan, Donibanek jartzen zuen gogoarekin, talde gutxik gainditzen baitituzte gure neskak intentsitateari dagokionez.
Malkaitz erasoan eraginkor hasi eta Donibaneri abantaila hartu zion segituan (bosgarren minutua 3 – 0). Irudipen hutsa izan zen, berdeek defentsa doitu zutelako, eta erasoan beste egun batzuetan baino gehiago kostatzen bazen ere, hor zeuden hegaleko jokalariak topaketaren egile nagusiak izateko. Lehen zati honen erdian eta markagailuan 7-5eko emaitzarekin, Donibanek bi eraso jarraian egin zituen Malkaitzi hegalak emateko eta 5 – 0eko partziala lortu zuen (hogeita batgarren minutua 12 – 5). Baina orduan gure atezaina agertu zen, eta zortzi geldialdi egin zituen lehen denbora horretan, malgutasun inbidiagarria eta erreflexu bikainak erakutsiz. Ondorioz, Burlatakoek ez zuten gol gehiago lortu eta atsedenaldia 12 – 8 emaitzarekin iritsi zen.
Bigarren zatia berdeentzako baloiarekin eta hiru puntutara jartzeko aukerekin hasi zen. Ezin izan zen eta minutu gutxitan hainbat gol iritsi ziren jarraian, baina Malkaitzek bost goleko aldeari eutsi zion. Kanporaketa zorrotz samar batek Donibane gutxiagoan utzi zuen, eta aurkariek ongi aprobetxatu zuten egoera ordura arteko alderik handiena lortuz (hamalaugarren minutua 20 – 12). Oraindik denbora gelditzen zen arren fase gorabeheratsuan sartu ziren bi taldeak. Berdeek bostera jartzea lortu zuten, baina jarraian Burlatakoek bederatzira handitu zuten aldea, 25 – 19 markagailuarekin amaitzeko.
HAURREN GARAIPEN GARRANTZITSUA TAFALLAKO MB-AREN AURKA 19 – 7
Larunbatean ADSJ-DKEko kiroldegian jokatutako partida balio izan zaie haur mailako neskei euren multzoko sailkapenaren goialdean jarraitzeko.
Donibanek defentsa on batekin hasi zuen partida, etengabeko lapurretekin eta horrek lagundu zien hasieratik abantaila hartzen. Tafallako taldeak ez zuen modurik aurkitzen lata ireki eta meritu handiko geldiketak egin zituen atezaina gainditzeko. Zazpi metroetatik bi jaurtiketa ere gelditu egin zituen. Atsedenaldira 9-4ko emaitzarekin iritsi ziren.
Bigarren zatian Donibanek hobera egin zuen eta erasoan lasaiago aritu zen arerioaren defentsan sartuz eta ikusiz nola aldea handitzen zen amaierako 19-7ra iritsi arte.
HARROBIAREN EMAITZAK
BM AOIZ 6 – ALEBIN MISTOA 10
MALKAITZ A-8 – BENJAMIN MIXTO A-8
BAZTANGO 8 – BENJAMIN MISTO B 8
