Igandean ADSJ-DKEko kiroldegian jokatutako partiduaren giltzarria Donibaneren defentsa sendoa izan zen eta honek bide eman zien denboraldi osoan jasotako gol kopuru txikienarekin partidua amaitzeko. Izan ere, aurkariaria 16 puntuko markagailuarekin utzita eta erasoan lan txukuna eginez gero, garaipena ziurtatua duzu.

Berdeak oso indartsu eta defentsan oso oldarkor atera ziren zelaira. Baloia erraz lapurtzea lortu zuten maiz, batzuetan kontraerasoan eta beste batzuetan eraso estatikoan. 3 – 0 partziala lortuta, Uhartek seigarren minutura arte ez zuen golik sartu. Zirkulazio azkarrei esker, gure hegaleetako jokalariek behar zituzten hutsuneak zabaldu eta aukerak aprobetxatu zituzten lehen zatiaren erdialdean 9-2 jartzeko.

Uharteko entrenatzaileari ez zitzaion batere gustatzen partidua eta talde osoa bidali zuen aulkira, sei neska berri kantxaratuz. Ez da ohikoa, baina Donibaneren bolada ona gelditzeko balio izan zion. Hortik aurrera, bi taldeen golak jarraian ikusi genituen, atsedenaldira 13 – 7 emaitzarekin iristeko.

Bigarren zatian berdeek lortutako abantailarekin jokatzen jakin zuten, defentsan sendo jarraituz eta erasoan aurkariaren defentsaren hutsuneak aprobetxatuz. Eta nahiz eta minutu batzuetan intentsitatea jaitsi eta zehaztugabetasunak areagotu, gure neskek partidaren jokaldi onena eskaini ziguten azken minutuetan: Uhartek baloia galdu, gure atezainak hartu, 25 metroko pase milimetrikoa egin zentralari, eta honek akrobazia eginda harmailako publikoa zutiarazi zuen gol bat lortu zuen.

25 – 16ko garaipen handi batek sailkapenean postu bat igotzeko eta beheko aldearekin ia behin betiko tartea irekitzeko balio duena.

HAURREN GARAIPEN ERRAZA EGUESIBAR C-REN AURKA: 8 – 33

Joan den larunbatean gure haurrak Sarrigurenera joan ziren Valle de Egües C-Eguesibar C taldearen aurka jolastera, Satestarren kiroldegian. Donibanek berehala zabaldu zuen bien arteko aldea defentsa bikainari eta besteetan baino eraso eraginkorragoari esker.

Gure lehen lerroak ongi aprobetxatuko zituen hutsuneak utzi zituen aurkariaren defentsak eta markagailuko abantailak ematen duen lasaitasunarekin, gure haurrek eskubaloi ikusgarria eta kalitatezkoa erakutsi zuten. Hegaletako jokalariei gehiago jokatzeko aukera eman zieten, pase onak eginez, eta hauek, pixkanaka, taldearen dinamikan sartzen ari direla erakutsi zuten, pausoz pauso aurrera eginez.

Jarraitu ikasten eta gozatzen!

HARROBIAREN EMAITZAK

• Kimu mistoa 5 – BM Ardoi 11
• Benjamin mistoa A 12 – Loiola B 6
• Benjamin mistoa B 9 – Eguesibar C 8