Berdeek atseden hartu dute ligako azken jardunaldian. Denboraldian lortutako emaitzekin txalotzeko moduko bederatzigarren postuan amaitu dute.

Izan ere, denboraldi hasieran esaten genuen bezala, Donibaneren lorpenik handiena izan da Gazte mailako neska talde bat aurrera ateratzea, Nafarroa osoan hamahiru taldek baino lortu ez dutena.
Eta hor egon dira beti gogoz lanean, eta nahiz eta lehenengo partiduak ez ziren errazak izan, pixkanaka aurkitu zuten bidea adinean eta fisikoki ere hobeak ziren taldeekin lehiatzeko eta garaipen oso garrantzitsuak lortzeko. Grina hori izan da sailkapeneko bederatzigarren postura igo dituenak.

Historikoki Nafarroako eskubaloian handiak izan diren Uharte edo Lagunak bezalako taldeen aurretik gelditu izanak erakusten du nolakoa izan den Donibaneko nesken ahalegina eta teknikarien ekarpen handia.