BM San Juan-Donibane eskubaloi taldeak sailkapeneko goiko aldeko beste talde baten aurka jokatu zuen berriro, Baztangoren aurka. Izan ere, Baztango jokalariek haien fisiko bikainak eta 6 – 0 defentsa klasikoarekin, gure lehen lerroa sufriarazi zuten. Gure pibotek ezer gutxi egin ahal izan zuten defentsan zein erasoan Baztango dorreen aurrean.
Erasoan azkar ibiltzeko eguna zen bazterretan nagusitasuna lortzeko. Eta haiek izan ziren taldea partidan mantendu zutenak, batez ere lehen zatian. Markagailuan hainbat berdinketa izan ondoren, etxekoen aldeko 14-12ko emaitzarekin amaitu zen.
Bigarren zatian, Baztango taldeko neskak hobeki aritu ziren eta laster lau golera handitu zuten aldea, ia partida osoan bezala, euren pibotetan oinarrituta. Hutsartea eta jarraibide berriak Donibanekoentzat. Aprobetxatu beharra zegoen baztandarren denfentsa muturreko posizioak itxi nahian, gero eta gehiago ari zela sei metroko lerroan hondoratzen. Eta orain arte ez genekiena ikusi genuen: Donibanek ere badakiela bederatzi metrotik jaurtitzen, eta, izan ere, hiru gol eder era honetara lortu ziren.
Bigarren zatiko hamahirugarren minutuan, markagailuan hiru gol gutxiagorekin, aukerak zeuden oraindik, baina ahalegina nekearen faktura hasi zitzaien pasatzen gure neskei. Hamar minutu luzez egon ziren golik sartu gabe, paseetan eta jaurtiketa argietan akatsak eginez. Eta Baztangok, erregulartasun harrigarriarekin, Donibaneren zuloa baliatu zuen bere abantaila handitzeko, zazpi goleko tartea irekiz. Hala ere, berdeen azken bultzadari esker, Baztangoren aldeko 25-20ko emaitzarekin gelditu zen azken markagailua.
HAUR MAILAKO NESKEN GARAIPENA LEITZAKO AURRERAREN AURKA
San Juan-Donibanek Leitzako Aurrera K.E.ren aurka jokatu zuen bigarren faseko hirugarren jardunaldia joan den larunbatean Donibane Kirol Elkartearen kiroldegian.
Berdeak ideia argiekin atera ziren: ongi defendatu lapurretak egiteko eta erasoan behar bezalako pazientzia eduki jaurtiketarik onenak bilatzeko. Eta bete egin zuten, perfekziotik oso gertu, batez ere defentsan, gure atezainaren ekintza onekin. Horrela pixkanaka markagailuan aldea zabaltzen hasi zen atsedenaldira 17 – 9 argi batekin iristeko Donibaneren alde.
Bigarren zatian, lortutako abantailari esker, beste batzuetan baino lasaiago zeuden gure neskek eskubaloiko minutu onak eskaini zituzten. Aurrerak inoiz amore eman ez bazuen ere, ezin izan zuen ezer egin partidan zehar. Horrela, espero baino partida erosoago baten amaierara iritsi zen, etxekoen aldeko 32 – 22ko emaitzarekin.
Gure harrobiko gainerako partidetan, Alebin mailako taldeak 11 – 5 galdu zuen Agoitzen, eta Benjaminetan A taldeak Ardoiren aurka irabazi zuen eta B teladeak galdu egin zuen Atarrabiako Beti Onaken kontra.
