Larunbatean Erriberriko Principe de Viana ikastetxeko pabiloian jokatutako partidua. Bertan, Donibane eta Tafalla B.
Berdeentzako partida ongi hasi zen, izan ere, euren defentsa eta atezain onari esker, hainbat kontraeraso argi lortu eta azkenean gola sartzen zuten. Tafallakoek ez zuten amore ematen eta euren jokoarekin, une batzuetan oldarkorregiak, egoerari eusten zioten. Hala ere, atsedenaldira 7 – 15eko aldearekin iritsi ziren gure neskak.
Bigarren zatia gogorragoa izan zen, urdinek euren oldarkortasunarekin jarraitzen zuten eta etengabeko protestek Donibanekoak partidutik aterarazi zituzten. Ondorioz, bere abantaila hiru golera murriztu zen. Aulkitik lasaitasuna eskatzen zen, probokazioetan ez erortzea, eta lehen zatiko baloi-zirkulazio onetara itzultzea, aurkariaren defentsan hutsuneak bilatuz. Eta horrela, apurka-apurka berdeek euren kalitatea inposatu zuten eta partidaren amaierara 18 – 24ko aldeko emaitzarekin iritsi ziren.
BESTE EMAITZA BATZUK:
Kimu mistoa 12 – Lizarreria B 4
Benjamin Mistoa A 6 – C. D. Aoiz 12
Benjamin Mistoa B 6 – Txantrea 12
HIRU HAUR MAILAKOAK NAFARROAKO SELEKZIORA
Albistea joan den astearen erdialdean iritsi zitzaigun: Donibaneko haur mailako eskubaloi jokalariak Alba Navarro, Nahia Carmona eta Alaia Tabernero Nafarroako selekzioarekin arituko dira Hondarribiko XXII. Eskubaloi Torneoan Gipuzkoa, Bizkaia eta Txingudiko selekzioen aurka.
GAZTEAK ETA HAURRAK ASTE SANTUKO CORRALESEKO TXAPELKETARA
Laugarren urtez jarraian, Donibanek ordezkaritza izanen du datorren Aste Santuan ospatuko den Los Corrales de Buelnako XXXIII. Eskubaloi Txapelketa Nazionalean. Txapelketa honek bi mila jokalari baino gehiago biltzen ditu, benjaminetatik hasi eta gaztetxoetaraino, kiroltasunez eta adeitasunez inguratutako egun ahaztezinak igarotzeko prest. Zorte handia gure neskentzat!
