Donibanekoek Anaitasuna A taldea hartu zuten, sailkapenaren liderra, orain arte bere partidu gehienak irabazi dituena eta gainera gol askoren diferentziaz.
Etxekoen artean hainbat jokalari falta eta horregatik aldaketak egiteko gutxiago izan zuten eraso posizioetan. Horrek, eta bisitariaren maila handiak zailtasun handiak ekarri zizkien berdeei.
Partidu hasi eta bisitariek laster ezarri zuten euren joko erritmo altua markagailuan aldeak zabalduz. Berdeek erasoan saiatu arren, ezer gutxi egin zezaketen Anaitasunaren intentsitatearen eta defentsaren aurrean, eta hori gutxi balitz, atezainaren esku-hartze onekin edo jaurtiketako akatsekin topo egin zuten, hiru 7 metroko barne. Defentsari dagokionez, etxekoek bisitarien hainbat eraso geldiarazi zuten eta honi gehitu behar zaio atezainak esku-hartze handiak egin zituela. Atsedenaldira 10 goleko abantailarekin iritsi ziren bisitariak.
Bigarren zatian Anaitasunak erritmo bizia ezarri zion partiduari. Gureak erasoan hobetu ziren, baina lehen lerroan egin zitezkeen aldaketa urrien ondorioz sortutako higadura fisikoa, jokoaren zehaztasuna murrizten joan zen. Honek guztiak jaurtiketetan edo paseetan akatsak eragin zituen, eta Anaitasunak horiek guztiak aprobetxatu zituen kontraerasoan. Eta defentsan eta atean taldea ongi aritu bazen ere, bigarren zatian aldea handituz joan zen azken emaitzara arte (10-33).
Gure neskak animatu nahi ditugu egindako ahaleginagatik. Porrot horrek ikasteko eta hobetzen jarraitzeko balio behar du, eta ez dio meriturik kentzen egiten ari diren denboraldi bikainari.
HAUR MAILAKO NESKAK | Carcastillo 16 – 13 Donibane
Larunbat honetan Emakumezkoen Haur mailako taldea Carcastillora joan da C.B. Carcastilloren aurka jokatzeko. Gure jokalariak defentsa indartsuarekin hasi ziren eta laguntza askorekin kontrako taldearen erasoak saihesteko. Etxeko taldeak zailtasun handiak izan zituen gure defentsa gainditzeko, baina gure taldeak ez zuen asmatu ate aurrean. Horrekin guztiarekin, atsedenaldira gol bateko abantailarekin iritsi ziren Donibaneko neskak. Bigarren zatian parekotasun handia egon zen eta honen erdian, Donibaneren taldea defentsan akats gehiago izaten hasi zen eta baloi galera ugari izan zituen. Etxeko taldeak gure hutsegiteak aprobetxatu zituen eta azken minutuetan eraginkorragoa izan zen partida irabazteko. Baloratu behar da gure neskak talde-lan handia egiten ari direla eta hobekuntzak hurrengo partidetan ikusiko direla. Aurrera, eta… Aupa Donibane!
